سەردانکردنی کەسوکار

کەسوکار: مادەم جومعەی داهاتوو دەوامت نییە وەرە سەتەلایتەکەمان بۆ چاکبکە!
تۆ: ئاخر لە سەتەلایت نازانم
– چۆن نایزانی؟ ئەی ئەم شتە حیزە چییە بیستوچوار سەعات توت توت توت توت توت لەسەری دانیشتوویت و خستووتەتە ناوگەڵتەوە؟
–  دەرپێیە… عەفوو بڵێم لاپتۆپە.
–  ئێ دە سەتەلایتەکەی ئێمەش چاک بکە!
–  لاپتۆپ و سەتەلایت زۆری فەرقە، لە سەتەلایت نازانم.
– بۆ نایزانی؟ چیت لە کچەکەی باجی سەبری کەمترە؟ لە هەموو شتێک ئەزانێ، تەلەبەی شەشە و نەوەو پێنجی هێناوە و چاوەڕێی توببە و ئەو ڕۆژە هاو هەم قژیشی بۆ بڕیم و بۆی بۆیەکردم و یەک پەنجەشی پیانا سەتەلایتەکەشی بۆ چاککردم
– ئێ بەو بڵێ
– ئەو مەشغووڵە، فۆڕم و شت پڕ ئەکاتەوە، ئەمەی ئەم جامیعە و مامیعەیە
– ئێ کە پڕی کردەوە و جەلایی کرد پێی بڵێ “پەنجەیەکی پیانێ” و یەکسەر بۆت چاکبکا
– وەڵلا ئەیکا! بۆ نایکا! لە هەموو شتێک ئەزانێ! یەک کێک دروستئەکا هەر دڵت نایە بیخۆی
– ئەوە ئافرەت بۆ تا پێش ئەوەی شوو بکا لە هەموو شتێک ئەزانێ و عالمە و کچی چاکە بەس هەر ئەوەنە کە شوویکرد ئیتر ناوسکت ئەخوا و بەس ئەزانێ قەبرت بۆ هەڵکەنێ؟
لەکوێوە دەستمانپێکرد و چوین بۆ کوێ!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.