ئولیس

ئولیس

نووسینی: جەیمس جۆیس

وەرگێڕانی: نەوا موکرجی

تێبینییەک لەسەر دەرکردەیەکی نوێتری بەرگی یەکەم

دەرکردەیەکی نوێتری بەرگی یەکەمی ئولیس لە٣ی تشرینی دووەمی ٢٠٢٢دا هەر لەم پەڕەیەدا بڵاو دەکرێتەوە، ئەمیان لەوانەی ٢ی شوبات و ٢٨ی شوباتی ٢٠٢٢ زۆر باشتر و بەپێزتر دەبێت. ئەگەر تا ئێستا دەستت نەکردووە بە خوێندنەوەی پەڕتووکەکە، بە ڕای من کەمێک دواتری بخە و ئێجگاری لەو دەرکردە نوێترەوە بیخوێنەوە، تا ئەزموونی خوێندنەوەکەت نەبێت بە دوو جار. هەندێک لە جیاوازییەکانی ئەم دەرکردە نوێترە ئەمانەن:

  • نەخشەی شاری دەبلن و ئەڵقەکانی بە کوردی تێدایە، واتە ئێستا دەتوانیت لەسەر نەخشە کەسێتییەکان و جێی ڕووداوەکان بدۆزیتەوە.
  • هەموو ڕاڤەکان ژمارەی چەسپاویان بۆ دانراوە و ئێستا بەستەریشیان بۆ دانراوە، کرتەیەک دەکەیت و دەچیتە سەر ڕاڤەی دەقەکە و کرتەیەک دەکەیت دەگەڕێیتەوە سەر دەقەکە.
  • هەندێک ڕاڤەی نوێتر و زیاتر لە خۆ دەگرێت.
  • سەرلەنوێ هەر شەش ئەڵقەکە وەرگێڕراونەتەوە بۆ کوردی و باشتر کراون.
  • زۆر هەڵەی ڕێنووس چاک کراونەتەوە.

ئەمانە و زۆر کاری تریش لەم دەرکردە نوێترەدا کراون، هیوادارم چاوەڕێی بن.

بەرگی یەکەم (لە پێنج بەرگ)

ئەم پەڕتووکە ئەلیکترۆنییە دیاریی خۆڕایی وەرگێڕەکەیەتی بۆ هەر کەسێک لە گەردووندا کە بتوانێ لانیکەم یەک وشەی کوردی بخوێنێتەوە. لە ماڵپەڕی (www.nawa.net)دا بێبەرانبەر بە پی دی ئێف بڵاوم کردووەتەوە، ئەگەر بۆ خۆت و بە ئامێری پرنتەری ماڵەوە دەیخەیتە سەر کاغەز و دەیخوێنیتەوە، هیچ لارییەکم نییە، بەڵام تکایە چاپی مەکە و بڵاوی بکەیتەوە و ڕێگەش مەدە کەسانی چواردەورت بێباکانە پارە بەم دیارییەی من پەیدا بکەن، لە کەسیشی مەکڕە، چونکە ئەگەرچی ئەم دانەیە دیارییە بۆ تۆ، بەڵام بە شایستەی ئەوەم بزانە مافی خاوەندارێتییەکەی و مافی بڵاوکردنەوەکەیم بۆ مابێتەوە. وا دامناوە کە جارجار هەڵە و کەموکورتیم تیایدا چاک کرد لە هەمان پێگە چاپی نوێتریشی لێ بڵاو بکەمەوە، بۆیە خراپ نییە ئەگەر جارجار سەردانێکی ئەم ماڵپەڕە بکەیتەوە کە ئاماژەم پێی داوە، چونکە لەوانەیە چاپێکی نوێتری تێدا بێ کە لەمە پوختەکراوتر بێ. لە ژێرەوە ڕێکەوتی چاپەکەم داناوە، تا بزانی کامەیان هەرە نوێترەکەیە.


چاپی ٢٨ی شوباتی ٢٠٢٢ (بەرگی یەکەمی تەواوکراو):

لێرەدا کلیک بکە بۆ داگرتنی چاپی ٢٨ی شوباتی ٢٠٢٢ی ئولیس بە پی دی ئێف (نوێترین و باشترین)


چاپی ٢ی شوباتی ٢٠٢٢ (بەرگی یەکەمی تەواونەکراو – بێ ئەڵقەی شەشەم):

لێرەدا کلیک بکە بۆ داگرتنی چاپی ٢ی شوباتی ٢٠٢٢ی ئولیس بە پی دی ئێف